“Kunderletra”

Letren tende e lexova dhe iu perkoshtova ashtu sikurse e meritonte. Fillimisht vendosa ne vend cdo objekt qe kishte ndryshuar qellimin fillestar fale fantazise se vajzave. Me pas, nje nga nje, kreva te gjitha pikat e tjera ne listen e perditshme: pergatita dreken per te nesermen, kalova nje perseritje te shpejte te mesimeve te vajzave, lexova te gjithe posten elektronike (sigurisht ate te punes). Perktheva cfare kishte mbetur nga faqet e fundit te materialit te rradhes dhe me se fundi, mora nje gjysem gote vere dhe u ula ne cepin tim. Hapa letren…
Te pergezoj per te gjitha fjalet e shkruara, te cilat, kurre nder keto vite nuk i ke artikuluar – as pjeserisht! Mund ta quaj kete dhuraten time te pare te Krishtlindjes pasi eshte materializimi i plote i portretit tend shpirteror tek i cili kam besuar kaq kohe e me shume.
Nuk dua t’i pergjigjem fjale per fjale letres tende, nuk me duket aspak e drejte. Ne te kundert, me ngjan si nje “hile” e vjeter – nga ato qe mjeshterisht zoterojme ne debatet tona.
I dashuri im, kemi qendruar mjaftueshem bashke per te njohur thellesine dhe ceketine e qenies sone, baticat dhe zbaticat e saj. Sigurisht, nuk kam menduar asnjehere qe te mbuloj shtratin tend sa here hena terheq pas vetes mbulesen tende – nuk eshte misioni im. Cfare jam zotuar te bej eshte te jem aty, me ty, deri ne mengjes – derisa hena dalengadale te shkrihet ne horizont. Ka dite kur ankesat ne fakt jane me shume “sajesa”. Ndoshta dita, ajo pjese e saj jashte shtepise, ishte e deshtuar e ndaj dua dhe une castin tim te suksesit – e ku me mire mund ta marr se ne strofkullen ku jam e pasfidueshme!? Egoiste! Po, vertete! Njeri! Po aq e vertete!
Ka dite te tjera kur them, e perse te mos jem une ulur aty ne divan, me kembet perpjete mbi tavoline, tek vras mendjen se cilin film do te shikojme? Por ne fakt jam e qarte: Filmi qe do te zgjidhja une do te ishte nje deshtim dhe dreka e dites se neserme do mbetej thjesht nje mendim. Ndaj, secili te bej ate qe di me mire!
Ja pra, mendoj se ne fund fare ekuacionet tona barazohen! Ti me mangesite e tua, une me teprite e mia. Jemi nje kombinim i perkryer tek supet e te cilit mendoj se mund te mbeshtetemi dhe per vitet e ardhshme deri sa dhe ne me fatin e henes te bashkohemi.

Duke shpresuar se do te arrish t’i shkosh letres deri ne fund: Mos harro, neser duhet te flasesh me teknikun per ndicimin e kuzhines!

Fjalorth:
Mangesite – Te gjitha punet e shtepise per te cilat ti nuk shquhesh.
Teprite – Te gjithe ankesat dhe ulerimat per te cilat une shquhem.

Lini një Përgjigje